Ngā Tāngata

Andrew
Patterson

Kaiwhakahaere Matua — B Arch (hons), BAS

Ko Andrew te kaiārahi i ngā mahi hoahoa ariā o te umanga.

I te tau 1998 ko Andrew te māngai o Aotearoa ki te New Breed Architectural Exhibition i Poihākena, ā, i whiwhi i a ia tana Tohu Hoahoanga ā-Motu tuatahi i taua tau anō. I roto i tana whāinga mahi i whakawhiwhia ia ki ngā Tohu Hoahoanga ā-Motu o Aotearoa mō ngā wā e rima.

Ko te aronga o Andrew ki te tangata, ki te hoahoanga me te taiao anō nei he āhuatanga kōtuituia ēnei e tūāpapahia ana e te whakaaro mēnā e tika ana tētahi whare ki tōna toi potapotae, ā-taiao, ā-pāpori hoki, ki te whakaaro o te tāngata o taua hoahoanga, he tūrangawaewae nōna.

He kaikōrero hoahoanga mārama ia e ngākaunui ana ki ngā hītori me ngā pūrākau Māori ka mutu he kaitaunaki pai rawa ia mō te hoahoanga e urupare ana ki tōna hītori, whenua, tūrangawaewae hoki.
I te Haratua 2012, i whakaingoahia a Andrew te kaihoahoa whare e te tuhitaka hoahoanga e kaha te rapuhia i te ao katoa, te World Architectural News o Rānana. Ko ia tētahi o ngā kaihoahoa whare e rima “ko ō rātau whakaaro ahunga kei te āwhina ki te waihanga i te anamata Hoahoanga o te ao”. Kātahi anō tēnei whakatutukitanga ka kitea i te hapori auaha o Aotearoa.

I tohua a Andrew hei Distinguished Alumni o te Whare Wānanga o Tāmaki Makaurau i te tau 2013, ā, he Ahorangi Manuhiri ia i Unitec. Kua whai tūranga ia ki te Fellow of the New Zealand Institute of Architects (FNZIA), ā, he mema anō ia nō te Auckland and Queenstown Urban Design Panels, ā, ko ia te Peretihini o te Auckland Architecture Association.

Andrew
Mitchell

Kaiwhakahaere Matua — B Arch (hons), BAS

Ko Andrew te kaiārahi i te rōpū Arumoni i roto i te umanga.

Ko Andrew te Paetahi Hoahoanga o Te Whare Wānanga o Tāmaki Makaurau mātāmua i te tau 2000. I mua i tana urunga atu ki Pattersons i te tau 2005, i mahi a Andrew i ētahi o ngā umanga hoahoanga matua o Rānana.

He Kaiwhakahaere Kaupapa a Andrew i Pattersons; i whakangungua ia ki Aotearoa. Neke atu i te 20 tau ia e mahi ana i roto i ngā whakahoahoa arumoni, i ngā whakarākeitanga me te ārahi i ngā ohu nui a roto, a waho hoki. E whakariterite anō a Andrew i ngā ngaio tokomaha me ngā kaitohutohu kia puta ai ngā kaupapa momoho piringa tahi i tutuki i te wā tika, i roto hoki i te pūtea tika e puāwai ai ngā momohotanga arumoni tūroa ki ana kiritaki. Kei a ia ngā pūmanawa kaiārahi whakaāio, he tautōhito ki ngā taipitopito me ngā mōhiotanga hanganga ki ngā kaupapa katoa.

 

Davor
Popadich

Kaiwhakahaere Matua — B Arch (hons), BAS

Ko Davor te Kaiārahi o te rōpū Kaupapa Motuhake, ā-Roto, ā-Whare.

He Tohu Paetahi Hoahoanga, hōnore reanga tuatahi, tō Davor mai i Te Kura Hoahoanga o Te Whare Wānanga o Tāmaki Makaurau. I tino kitea te tautōhito o Davor ki āna mahi, me tōna matatau ki te tātari i te hōhonutanga me tōna nanaiore ki ngā hoahoatanga whai kounga i roto i tana tūranga hei Kaihoahoa Whare mō te Tohu Matua Rawa mō te Hills Clubhouse i Queenstown (2007) me te Tohu ā-Motu mō te Local Rock House (2010).

I whakawhiwhia a Davor ki tētahi Tohu Pūkenga mai i te New Zealand Institute of Architects, ā, ko ia tētahi o ngā mema tuatahi o Te Poari Mātai i Te Kura Hoahoanga o Te Whare Wānanga o Tāmaki Makaurau.

He pūkenga ngaio anō ō Davor i roto i ngā toi me ngā pāpāho mamati. I whakaaturia ana mahi toi hangangātahi i te motu me te ao i roto i ngā whakaurunga whāiti: Te Whare Toi City Gallery (Te Whanganui-a-Tara), Sue Crockford Gallery (Tāmaki Makaurau), Te Papa Tongarewa o Aotearoa (Te Whanganui-a-Tara), Künstlerhaus Wien (Vienna), ARTPLAY Design Center (Moscow), Toi o Tāmaki (Tāmaki Makaurau), Govett-Brewster Art Gallery (Ngāmotu), Artspace Gallery (Tāmaki Makaurau), Chelsea Art Museum (New York).

Surya
Fullerton

Hoa Pātuhi— B Arch (hons), BAS

Ko Surya te kaiārahi i te tūranga Hoahoa Āmiki me te Kaiwhakahiato o te umanga.

I puta a Surya i Te Whare Wānanga o Tāmaki Makaurau i te tau 2000. Tekau mā toru tau a Surya e mahi ana i roto i te rāngai arumoni i Te Hononga o Ingarangi, Hapanihi me Aotearoa; ka mutu i mahi ia i roto i ngā kaupapa whānui rerekē tae atu ki ngā kaupapa tūmatanui, wāhi mahi, whare noho me ngā wae noho maha, hauora, mātauranga hoki.

E tino matatau ana a Surya i roto i ngā wāhanga katoa o te tukanga hoahoa me te hangahanga mai i te hoahoa tuatahi tae atu ki te tirotiro wāhi. Nā ōna pūkenga nui ki te whakariterite i ngā hīraunga hanganga whakapātaritari, ratonga hoki i taea ai e ia te whakatutuki ngā whare nui ake, matatini ake. He tangata tino mōhio ia ki ngā papanga, ngā whakarākeitanga hoahoanga me te pūnaha hangahanga, ā, tāpiri ki tēnei mā te wairua mahi tahi, pūkenga hoki ki te whakahaere me te takawaenga i ngā kaitohutohu, e taea ai e ia te whakarato ngā hui papai mō ngā kiritaki.

Te Rōpū Whānui

Kua whakakotahitia tō mātau rōpu i runga i te auahatanga hoahoa whare; ka whakahiatohia mai ō mātau pūkenga rerekē kia hua mai ai tētahi wāhi mahi ngātahi.

He maha ngā mōhiotanga whānui hei tautoko i ā mātau mahi hoahoanga; tae atu ki ngā rautaki whakahaere papanga, te waihanga tauira me ngā hangarau mamati, hoahoanga ā-whenua, ngā kaupapa hoahoa toitūtanga, whakamahere tāone me ngā hoahoa ā-roto. Kei roto i tō mātau rōpū whānui ko ngā paetahi hou me ngā kaihoahoa whare matatau kua tino roa nei e mahi ana i Pattersons.

He iti ngā paparanga o te rōpū mahi, ā, ka taea e te rōpū katoa te whakauru whakaaro ki te tukanga hoahoa.